আপুনিও লোনৰ কিস্তি দিবলৈ বাকী আছে নেকি
লোন ৰিক’ভাৰী এজেণ্টক দেখি ঘৰৰ পৰা পলাই যাব নেকি আপুনি
যদি লোনৰ পইচা দিয়াৰ ভয়ত ঘৰৰ পৰা পলাই তেন্তে সাৱধান৷ এজেণ্টে পইচা নিবলৈ আহিলৈ পলাই সাৰিব পাৰিব ঠিকেই, কিন্তু তাৰ ফলত আপুনি পত্নীক হেৰুৱাবলগীয়া হ’ব৷ মুঠতে আপোনাক বেংকে শেষ কৰি দিব৷ ইফালে লোনৰ পইচাও যাব, একেসময়তে আপোনাৰ সংসাৰো ধ্বংস হ’ব৷ সেয়ে বেংকৰ পৰা লোন লোৱাৰ আগতে এবাৰ ভালকৈ ভাবি চাব৷ বিহাৰৰ পৰেশ নামৰ লোকজনৰ অৱস্থা তেনেকুৱাই হ’ল৷ তেওঁ গাড়ী কিনিবলৈ বেংকৰ লোন লৈছিল৷ কিন্তু দুমাহ ভালকৈ চলাৰ পিছতে পৰেশৰ গাড়ী বেয়া হ’ল৷ ভাৰা মাৰিব নোৱাৰি পৰেশে বেংকৰ কিস্তিও পৰিশোধ কৰিব নোৱাৰা হ’ল৷ গতিকে লোনৰ পইচা নিবলৈ অহা এজেণ্টক দেখিলেই ঘৰৰ পৰা পলোৱা হ’ল পৰেশ৷ দুমাহ লোনৰ কিস্তি পৰিশোধ নকৰিলে পৰেশে৷ তেওঁ ঘৰত নাই বুলি কৈ বেংকৰ এজেণ্টক পৰেশৰ ঘৈনিয়েকে ঘূৰাই পঠিয়ালে৷ পৰেশৰ চালাকি বুজি বেংকৰ এজেণ্টেও গাড়ী টানি নিয়াৰ পৰা বিৰত থাকিল৷ তিনিনম্বৰ বাৰ কিস্তিৰ পইচা বিচাৰি যাওতে পৰেশৰ ঘৈনিয়েকৰ সৈতে বেংকৰ এজেণ্টে কথা পাতিলে৷ পৰেশৰ পত্নীক দেখাত বৰ ধুনীয়া বুলি প্ৰশংসা কৰিলে এজেণ্টে৷ পিছৰবাৰ লোনৰ পইচা বিচাৰি গৈ পৰেশৰ ঘৈনিয়েকৰ ফোন নম্বৰো তেওঁ ল’লে৷ ইফালে এজেণ্টেক দেখিলেই পলায়ন কৰা পৰেশে পত্নীৰ মন পিচলাৰ কথা একো গমকে নাপালে৷
পৰেশে লুকা-ভাকু খেলি থাকোতেই পত্নীৰ সৈতে প্ৰেমলীলা আৰম্ভ কৰিলে বেংকৰ এজেণ্টে৷ পৰেশৰ পত্নীয়ে স্বামীয়ে ফাঁকি দি পলায়ন কৰা বুলি এজেণ্টক জনালে৷ স্বামীয়ে বেলেগ বেংক একাউণ্টত গোপনে সাঁচি থোৱা পইচাও তেওঁ বেংকৰ এজেণ্টক দি দিলে৷ পৰেশে নজনাকৈ বেংকে লাভ কৰিলে লোনৰ ধন৷ কিন্তু তেতিয়াই ঘটনাটো সমাপ্ত নহ’ল৷ এইবাৰ পৰেশৰ ঘৈনিয়েক ঘৰৰ পৰা অন্তৰ্ধান হ’ল৷ ধন পৰিশোধ কৰাৰ পৰা বাচি থাকিবলৈ পৰেশ পলাই ফুৰোতেই তেওঁৰ পত্নী হ’ল সন্ধানহীন৷ বেংকৰ এজেণ্টৰ সৈতে পলাই গৈ পৰেশৰ ঘৈনিয়েকে মন্দিৰত বিয়া পাতিলে৷ পইচা যোৱাৰ পিছত পৰেশে হেৰুৱালে ঘৈনিয়েকক৷
বিহাৰৰ জামুই জিলাত সংঘটিত হ’ল এইটো ঘটনা৷ প্ৰাপ্ত তথ্য অনুসৰি পৰেশ নামৰ লোকজনে গাড়ী কিনিবলৈ কেবালাখ টকাৰ লোন লৈছিল৷ কিন্তু তেওঁ কিস্তি পৰিশোধ কৰাৰ সলনি গাড়ী লুকুৱাই বেংকৰ কৰ্মচাৰীৰ চকুত ধূলি দি আছিল৷ ইফালে কিস্তি পৰিশোধ কৰাৰো ক্ষমতা নাছিল পৰেশৰ৷ সেয়ে প্ৰতিশোধ ল’বলৈ বেংকৰ কৰ্মচাৰীয়ে পৰেশৰ পত্নীৰ সৈতে প্ৰেম কৰিলে৷ পৰেশৰ ঘৈনিয়েকক ফুচুলাই বেংকৰ কৰ্মচাৰীয়ে গোপনে আদায় কৰিলে কেবাটাও কিস্তি৷ কিন্তু শেষত কিস্তি পৰিশোধ কৰাৰ বাবে পৰেশৰ পত্নীৰ হাততো পইচা নোহোৱা হ’ল৷ তেতিয়া তেওঁ বেংকৰ কৰ্মচাৰীক স্বামীয়ে গাড়ীখন লুকুৱাই থোৱা বুলি জনাই দিলে৷ সেইমতে লুকুৱাই থোৱা স্থানৰ সম্ভেদ পাই বেংকৰ কৰ্মচাৰীয়ে গাড়ীখন জব্দ কৰিলে৷
এফালে পৰেশে হেৰুৱালে পইচা৷ তেওঁৰ একাউণ্টত থকা শেষৰ পইচাকেইটাও পত্নীও গোপনে বেংকৰ কৰ্মচাৰীক দিলে৷ আনফালে পত্নীয়েও পৰেশক এৰি পলাই গ’ল৷ শেষত পত্নীয়ে জনোৱামতে পৰেশৰ গাড়ী বেংকে টানি লৈ গ’ল৷ এটা ভুলৰ বাবে পৰেশ নি:স্ব হৈ পৰিল৷ লোনৰ বাবে ভাগিল সুখৰ সংসাৰ৷